साउन सर्लाही । सर्लाहीमा अत्यधिक गर्मीले जनजीवन प्रभावित भएको छ । बिहान घाम जूल्केदेखी नै तातो हावा चल्ने हुनाले जनजीवन प्रभावित भएको हो । दिउँसो पश्चिमा तातो वायुले घरबाहिर अनुहार पोल्ने भएकोले सर्वसाधारण दिउँसो घरबाट बाहिर निस्कन पनि डराउन थालेका छन् । अत्यधिक गर्मीले जनजीवन प्रभावित हुन थालेपछि यसको असर अन्य क्षेत्रमा पनि परेको देखिएको छ ।
यहाँ विगत केहिदिन देखि यसरी असाध्य बढी गर्मी महसुस भइरहेको हो । अघिल्ला दिनहरूमा पनि गर्मी हुने गरेकोमा र हिजो आज गर्मी खप्नै गाह्रो परिरहेको सर्वसाधारण बताउँछन् ।
बाहिर हिँड्दा चर्को घाम र घरभित्रै बस्दा घर तातेर बस्न सक्ने अवस्था छैन । गर्मीले मानिस असिनपसिन भएर बसेका छन् । दिउँसो सार्वजनिक यातायातहरू ई रिक्सा, बस तथा म्याजिक जिपमा यात्रा गर्नेको सङ्ख्या कम भएको यातायात व्यवसायीहरू बताउछन् ।
यसै गरी साइकल तथा मोटरसाइकल चढ्नेको सङ्ख्या पनि कम भएको देखिएको छ । अत्यधिक गर्मीले गर्दा दिउँसो घरबाट बाहिर निस्कन गाह्रो भएको स्थानीय मदन महतोले बताए । यो वर्ष जमिन भिज्ने गरी बेस्सरी वर्षा नै हुन नसकेकाले असाध्य गर्मी महसुस भइरहेको सर्वसाधारण बताउँछन् । अहिले शित्तलताको खोजीमा भौतारिनुपर्ने अवस्था छ । यो गर्मीमा घरबाहिर निस्कनुपर्ने किसान तथा मजदुर, विद्यार्थीलगायत झन् बढी प्रभावित बनिरहेका छन् । जिल्लामा पानी पर्दा एक÷दुई दिन शीतल भए पनि त्यसपछि पुनः हपक्क भएर गर्मी बढ्ने गर्छ ।
गर्मीले मानिस बिरामी नै पर्ने अवस्था छ । चिकित्सकले यो बेला प्रशस्त पानी पिउन र तातो हावा चलेको तथा चर्को घाम लागेका बेला बिरामी, ज्येष्ठ नागरिक तथा बालबालिका र सुत्केरीलाई सकेसम्म घरभित्रै बस्न लालबन्दि मोडल अस्पतालका डा. आलोक कूमार कूशबाहले सुझाव दिएका छन् । आवश्यक नभई सर्वसाधारण बाहिर ननिस्कँदा बजार सूनसान बनेको छ ।
अत्यधिक गर्मी बढ्दा व्यापार तथा व्यवसायमा पनि प्रभाव परेको छ । दिउँसो गर्मी हुने हुँदा गाउँबाट बजार पुग्ने मानिसको सख्या निरन्तर कम भएको उद्योगी व्यवसायीले बताएका छन् ।
गर्मी बढ्दा हल्का पेय पदार्थ र चिसोको बिक्री बढेको पाइएको छ । अत्यधिक गर्मी बढेसँगै साधारण चिसो पेय पदार्थको बेपारमा वृद्धि भएको व्यावसायीहरूले बताएका छन् । तराई मधेशमा पछिल्ला वर्षहरूमा वन विनाश, अवैध उत्खनन र मनपरी बढेमानका संरचना निर्माण गर्दा गर्मी बढेको तर्क बुढापाकाहरूले गर्ने गरेका छन् । झुरुप्प बस्ती भएका ठाउँहरूमा झन् बढी गर्मी छ ।
एम्बुलेन्स बाट ५१ किलो लागुऔषध बरामद
लागुऔषध गाँजासहित एक युवक पक्राउ
लालबन्दिमा स्वयंसेविका दिवस मनाइयो, १०५ जना सम्मानित
बर्दिबास १० का पूर्व एमाले नेता प्रेमध्वज लामा अब जसपा नेपालमा
हरिवनमा डिजिटल माध्यमबाट हुने लैंगिक हिंसा सम्बन्धी अन्तरक्रिया सम्पन्न
