पीडित परिवारले चोरीमा स्थानीय रूपमा घरको अवस्थाबारे जानकारी भएका व्यक्तिको संलग्नता हुन सक्ने आशंका व्यक्त गरेका छन्। घरमा कोही नभएको समय पारेर योजनाबद्ध रूपमा भित्तामुनि खनेर घरभित्र प्रवेश गरिएको भन्दै दोषीको खोजी गरी कारबाही गर्न माग गरिएको छ।

पीडित परिवारले आवश्यक कारबाहीको माग गर्दै इलाका प्रहरी कार्यालय हरिवन मा निवेदन दिएको जनाएको छ। निवेदन प्राप्त भएपछि ईलाका प्रहरी कार्यालय हरिवन का प्रहरी टोलि घटनास्थल पुगेर वडा कार्यालयका जनप्रतिनिधि तथा स्थानीयवासीको रोहबरमा मुचुल्का उठाई अनुसन्धान सुरु गरेको प्रहरी ले बताइएको छ।

उता, विगतमा कहिल्यै चोरीका घटना नभएको उक्त क्षेत्रमा चोरी भएपछि स्थानीयवासीमा त्रास बढेको छ। समाजमा चोरी तथा डकैतीका घटना बढ्न सक्ने भन्दै स्थानीयले चिन्ता व्यक्त गरेका छन्। उनीहरूले शान्ति सुरक्षाका लागि प्रहरीले राजमार्ग र बजार क्षेत्रमा मात्रै नभई भित्री ग्रामीण बस्तीहरूमा समेत नियमित गस्ती तथा सुरक्षा व्यवस्था प्रभावकारी बनाउन माग गरेका छन्।