माडी नगरपालिकास्थित बघौडा अस्पतालमा भेन्टिलेटरसहितको दुई श्ययाको सघन उपचारकक्ष निर्माण गरिने भएको छ । नगरस्तरीय कोरोना रोकथाम समन्वय समितिको बुधबार सम्पन्न बैठकले सो निर्णय गरेको हो ।
नगरपालिकाका सूचना अधिकारी प्रवीण भण्डारीका अनुसार अस्पतालमा आइसोलेसन निर्माणको काम तत्काल शुरु गर्ने र सघन उपचारकक्षका लागि प्रक्रिया अगाडि बढाउने निर्णय भएको हो । नगरपालिका प्रमुख ठाकुर ढकालका अनुसार अस्पतालमा ३० श्ययाको आइसोलेसन वार्ड तयार गरिनेछ । माडी नगरपालिकाको सोमेश्वर माविमा रहेको क्वारेन्टिनमा बस्ने छ जनालाई कोरोना भाइरस सङ्क्रमण देखिएलगत्तै समितिले यस्तो निर्णय गरेको हो ।
सघन उपचारकक्षसहितको आइसोलेसन वार्ड बनाउने भरतपुर महानगरपछिको दोस्रो स्थानीय तह भएको उहाँले जानकारी दिनुभयो । यस विषयमा जिल्लामा रहेका अस्पतालसँग समन्वय गर्ने प्रक्रिया शुरु भइसकेको ढकालको भनाइ छ ।
दुई जना असहाय व्यक्तिलाई व्हिलचेयर प्रदना
नयाँ वर्ष ,कविता
छोरा मन्जितको जन्मोत्सवको अबसरमा श्रमदान अभियानमा आर्थिक सहयोग गर्ने
भारतीय नम्बर प्लेटका सवारीमाथि प्रतिबन्धविरुद्ध सर्लाहीमा सर्वदलीय चेतावनी
लालबन्दी नगर अस्पतालको सेवा नियमित सञ्चालन सम्बन्धी नागरिक अपिल
