चितवन । नारायणगढमा रहेको चितवनकै उत्कृष्ट लिटर फ्लावर स्कुलले दश जोड २ का कक्षा सञ्चालन गर्ने भएको छ ।
स्थानीय एवं अन्य जिल्लाका अभिभावक र विद्यार्थीको आबश्यकता अनुरुप यही शैक्षिक सत्रबाट उक्त कक्षाहरु सञ्चालन गर्ने भएको हो ।
पहिलो बर्ष विज्ञान संकायका कक्षाहरु मात्र सञ्चालन गरिने स्कुलले जानकारी दिएको छ ।

स्कुलका जनसम्पर्क अधिकृत गोविन्द पौडेलले अभिभावक तथा विद्यार्थीको आवश्यकतालाई महसुस गरी दश जोड २ का कक्षा सञ्चालन गर्न लागिएको बताए । ‘हामी कक्षा सञ्चालनका लागि तयारीमा छौं, उनले भने, अब यही शैक्षिक सत्रबाट अध्ययन अध्यापन शुरु हुन्छ । उनका अनुसार स्कुलमा विज्ञान संकायका अनुभवी तथा दक्ष शिक्षक, आधुनिक विज्ञान प्रयोगशाला , कक्षाकोठा, तथा अन्य भौतिक पूर्वाधारका काम सबै सकिएको छ । यस स्कुलमा अन्र्तराष्ट्रिय ढांँचा अनुसारको कोर्ष, सिलेवस अनुसार अध्ययन अध्यापन हुने उनको भनाई छ ।

स्कुलले क्याम्ब्रिज युनिभर्सटीको मापदण्ड अनुसार १० सम्मका कक्षाहरु सञ्चालन गर्दै आएको छ । भारतको केरला ,गोरखपुर संँगै नेपालका रुपन्देही, विरगंज,गोर्खा लगायतका ३१ जिल्लाहरुबाट स्कुलले अध्ययन अध्यापन गर्दै आएको छ ।

पठनपाठनलाई थप गुणस्तर प्रदान गर्न स्कुलले व्यवहारिक शिक्षा, कम्युटर प्रविधि सहितका शिक्षालाई जोड दिइने स्कुलका प्राचार्य ‘फादर’ रोवीले जानकारी दिए । ‘दश जोड दुइमा विद्यार्थीको भर्ना गर्न सोधपुछ र परामर्श भईरहेको छ , उनले भने , कोरोना प्रभाव कम भएपछि र सरकारले लकडाउन खोल्ने वित्तिकै पढाई शुरु हुन्छ ।’ दशजोड दुईका कक्षा सञ्चालनपछि उच्च शिक्षाका लागि विद्यार्थीहरु काठमाडौ लगायत अन्य विद्यालय जान नपर्ने बाध्यता हट्ने र विद्यार्थीले अधिकतम लाभ लिनसक्ने फादर रोवीको भनाई ।

https://docs.google.com/forms/d/e/1FAIpQLSdecQrOLWhw03P1hJLuNfw2JBTA4EPw6nC4MPtof1F9xs4plw/viewform?fbclid=IwAR1C_kbUqeSSTLx9We1dENbvql5uHmgUio3jTENq8ATNQmWvzIIycdD4jjA
आगामी दिनमा अध्ययन अध्यापनलाई थप प्रभावकारी बनाउन स्कुलले कुनै कसर बांँकी नराख्ने प्रतिवद्धता समेत व्यक्त गरेको छ । भौतिक पूर्वाधार सम्पन्न यस स्कुलमा १० कक्षा सम्म मात्रै २ हजार १सय विद्यार्थी अध्ययनरत छन । स्कुलले विगत केही बर्षदेखि अध्ययन अध्यापनमा जिल्लामा उत्कृष्ट स्थान हासिल गर्दै आएको छ । दशजोड दुईमा भर्ना हुनका लागि स्कुललले प्रिअनलाइन रजिष्ट्रेसन प्रणाली समेत खुल्ला गरेको छ । निम्न लिन्कमा गएर विद्यार्थीले फाराम भर्न सक्नेछन ।

२०७७ असार २०, शनिबार १०:१४ प्रकाशित

संबन्धित शिर्षकहरु

दुई जना असहाय व्यक्तिहरूलाई व्हिलचेयर प्रदना

फूल बोकेका दुई पिकअप समातिए, तीन जना पक्राउ

बिटमै प्रहरी छैनन्, लालबन्दिमा सुरक्षामा चुनौती

यो पनि हेर्नुहोस

दुई जना असहाय व्यक्तिलाई व्हिलचेयर प्रदना

नयाँ वर्ष ,कविता

छोरा मन्जितको जन्मोत्सवको अबसरमा श्रमदान अभियानमा आर्थिक सहयोग गर्ने