सर्लाही । सर्लाहीको सागरनाथ वन विकास परियोजनामा कर्मचारी संगठन भंग गरिएको छ ।
नेकपा एमाले निकट उक्त संगठनको प्रारम्भिक कार्य समितिका अध्यक्ष प्रदीप अर्याल र सचिव युवराज कार्कीले आज सूचना जारी गर्दै संगठनको कार्य समिति भंग गरिएको उल्लेख गरेका हुन् ।
परियोजनाले जारी गरेको सूचनाअनुसार मन्त्रिपरिषद्को चैत्र १३ गतेको बैठकले स्वीकृत गरेको सयबुँदे शासकीय सुधारसम्बन्धी कार्यसूचीमध्ये खण्ड ‘ख’ अन्तर्गत उल्लिखित प्रशासनिक सुधार, पुनर्संरचना र मितव्ययिता शीर्षकको बुँदा नं १२ मा उल्लेख भएबमोजिम दलगत ट्रेड युनियनहरू खारेज गर्ने निर्णय गरिएको थियो । नेपाल सरकारको मन्त्रिपरिषद्ले शासकीय सुधारअन्तर्गत राजनीतिक ट्रेड युनियनहरू भंग गर्ने निर्णय गरेपछि समितिको बैठकले उक्त निर्णयको स्वागत गर्दै चैत्र १६ गतेदेखि लागु हुने गरी समिति भंग गरेको जनाएको हो ।
नयाँ बनेको सरकारले गरेको निर्णय बमोजिम कर्मचारी संगठन भंग गरिएको बताइएको छ । समितिका सचिव युवराज कार्की र कार्यवाहक अध्यक्ष प्रदीप अर्यालले हस्ताक्षर गरेको सूचनामा सम्बन्धित सबैलाई जानकारीका लागि अनुरोध गरिएको छ ।
छोरा मन्जितको जन्मोत्सवको अबसरमा श्रमदान अभियानमा आर्थिक सहयोग गर्ने
भारतीय नम्बर प्लेटका सवारीमाथि प्रतिबन्धविरुद्ध सर्लाहीमा सर्वदलीय चेतावनी
लालबन्दी नगर अस्पतालको सेवा नियमित सञ्चालन सम्बन्धी नागरिक अपिल
सभ्यताका पुजारी दनुवार जातिको भाषा संकटमा, रोग लाग्दा ‘बसाइ (डी) सर्ने परम्परा लोप हुँदै ।
सर्लाहीमा काठसहित एक ट्याक्टरे नियन्त्रणमा
