सर्लाही । आज भन्दा १०/१५ बर्ष अगाडिसम्म हरिवन नगरका उत्तरी क्षेत्रमा मुस्किलले एक /दुइ बाली मकै र धान उत्पादन हुने गर्दथ्यो । किसानले दु:खले लगाएको अन्न बालीले छ महिना पनि पुर्याउन धौ-धौ हुन्थ्यो । त्यसमा चैत र बैशाखको चर्को घामले दु:खले लगाएको अन्न बाली सुकाइ दिन्थ्यो, किसानहरुको उन्नत फसलको सपना चर्को घामसंँगै तुहिन्थ्यो ।
तर उबेला प्राय गरेर कुर्थी, गहुँ, जौ, फापर, कन्दमुल तथा एक छिमल मकै मात्रै उत्पादन हुने स्थान र खेत बारीहरुमा अहिले बार्है मास अनाज उत्पादन हुने गर्छ ।
पछिल्ला समयमा जब हरिवन नगरपालिकाले अनुदानमा समरसेल,कल तथा अन्य सिंँचाइको व्यबस्था किसानको घर-घरमा पुर्यायो त्यतिबेला सुख्खा खेतबारीमा पनि सिंचाइ, कुलो तथा पैनीको पानी कल-कल बग्न थल्यो,-तब किसानका सपना बौरीन थाले हरिया खेतबारीहरुमा साग सब्जी तथा अन्य बाली झुल्न थाले सँगै अब भने यो क्षेत्रमा दुई बाली अन्न फल्न थाल्यो ।
हरिवन नगरपालिका वडा नम्बर -८,का किसान हरि निरौला भन्छन् “सिंचाइको पर्याप्तताले हामी किसानलाई सहज बनाइ दिएको छ । बस्तुभाउ पाल्न तथा सबै खाले अन्न बाली लगाउन सजिलो भएको छ । चैत्र बैशाखमा मकै पाक्छ भने धान पाक्ने र रोप्ने चटारो पनि किसानलाई उत्तिकै हुने गरेको छ-” जुन पानीको सहजताले भएको हो ।
यतिबेला हरिवन, बागमती , लालबन्दी, तथा इश्वरपुर नगरपालिकाका उत्तरी स्थानका धेरै ठाउँमा मकै लह-लह छन् भने धान, तथा अन्य नगदेबाली काउली, भान्टा, साग, लट्टे, घिरौला, लौका, फर्सी तथा करेला लगायतका बाली प्रसस्त हुन थालेका छन् ।
हरिवन नगरपालिकाका कृषि शाखा प्रमुख बिष्णु गुरागाइ भन्छन् “पछिल्ला बर्षहरुमा नगरपालिका स्तर बाट कृषिमा अनुदान तथा बीउ बिजन, सिंँचाइ लगायतका सेवा सुबिधा दिन थालेसंँगै कृषि प्रति किसानको अवधारणामा फरक आएको छ । गाउँ गाउँमा पशुपालन, तरकारी खेती, धान/मकै बाली लगायतमा किसानको आकर्षण बढेको अधिकृत गुरागाइ बताउँछन् ।
कृषि पेशालाइ मर्यादित र प्रभावकारी बनाउन नगरपालिका स्त्तरबाट राम्रो सहयोग गरिएको र आगामी दिनलाई लक्षित गरि किसान मैत्री योजना ल्याउने तयारी भएको हरिवन नगरपालिकाका नगर प्रमुख रमेश बुढाथोकी (कमल) बताउँछन् ।
किसानले उत्पादन गरेको अन्न बालीबाट हाम्रो जीवन बाँच्ने भएको हुँदा किसान प्रतिको माया र सम्मानलाई सर्बोपरी ठान्नु पर्ने प्रमुख बुढाथोकी बताउँछन् ।
हालका दिनमा किसानलाई सहज होस् भनी हाते ट्याक्टर, सानासाना कृषि औजार, घाँस काट्ने मेसिन, आँप झार्ने औजार लगायतका धेरै औजार उपकरण बाँडिएको प्रमुख बुढाथोकीको भनाइ छ ।
ईश्वरपुरको वारुणयन्त्र संचालन नेपाली सेनाले गर्ने
दुई जना असहाय व्यक्तिहरूलाई व्हिलचेयर प्रदना
फूल बोकेका दुई पिकअप समातिए, तीन जना पक्राउ
बिटमै प्रहरी छैनन्, लालबन्दिमा सुरक्षामा चुनौती
दुई जना असहाय व्यक्तिलाई व्हिलचेयर प्रदना
