काठमाडौं । राष्ट्रपति विद्यादेवी भण्डारीले कोभिड–१९ ले सिर्जना गरेका विषम स्थितिमा शिक्षा पाउने बालबालिकाको अधिकारलाई ध्यान दिँदै सरकारका नीति तथा कार्यक्रमको प्रभावकारीरूपमा कार्यान्वयन गर्न आग्रह गरेकी छिन्।
राष्ट्रपति भण्डारीले राष्ट्रपति भवन शीतल निवासमा शुक्रबार भएको छलफलमा शिक्षा, विज्ञान तथा प्रविधिमन्त्री गिरिराजमणि पोखरेल र शिक्षासचिव गोपीनाथ मैनालीसँग चालु आर्थिक वर्षको नेपाल सरकारको नीति तथा कार्यक्रममा उल्लेख भएका शिक्षासम्बन्धी विषयको कार्यान्वयनका अवस्थाबारेमा जानकारी लिएपछि यस्तो आग्रह गरेकी हुन्।
शिक्षामन्त्री पोखरेलले शिक्षाका नीतिगत विषय र भावी दिनमा शिक्षालाई नागरिकको ज्ञान, सीप र चरित्र निर्माणका दिशातर्फ अभिमुख गराउन आवश्यक रहेको बताएका थिए। सचिव मैनालीले नीति तथा कार्यक्रममा उल्लिखित मूलभूत विषय र हाल सञ्चालन भइरहेको वैकल्पिक प्रणालीको सिकाइ कार्यक्रमलगायत विषयमा प्रकाश पार्नुभएको मन्त्रालयका प्रवक्ता दीपक शर्माले जानकारी दिए।
विश्व वातावरण दिवसको अवसरमा हरिवनमा नगरस्तरीय चित्रकला प्रतियोगिता सम्पन्न
सर्लाहीमा विश्व वातावरण दिवस मनाइयो
नवजात शिशु र बालस्वास्थ्य सेवामा गुणस्तर सुधार गर्न हरिवनका स्वास्थ्यकर्मीलाई दुईदिने कोचिङ
आगामी ३ दिन तातो हावाले तराई तताउँदै, सतर्क रहन सुझाव
ट्याक्टरको ठक्करबाट बालिकाको ज्यान गयो
