चितवन । भरतपुरको कोभिड १९ प्रयोगशालामा शुक्रबार र शनिबार ३१० जनाको कोरोना परीक्षण गरिएको छ । परीक्षण गरिएका मध्ये २३ जनामा संक्रमण पुष्टि भएको छ । भरतपुर अस्पतालले दिएको जानकारी अनुसार चितवनका १७ जना, नवलपुरका ५ जना र धादिङ्गका १ जनामा कोरोना संक्रमण पुष्टि भएको हो । तीमध्ये चितवनकै दुईजना चिकित्सकमा कोराना संक्रमण पुष्टि भएको छ ।
जसमध्ये नवलपुरका एक ६३ वर्षीय महिला र ४ पुरुष २१, ३३, ३९ र ४० वर्षका रहेका छन् । यसैगरी कलेज अफ मेडिकल साइन्सेस, भरतपुरमा उपचारार्थ ६६ वर्षीय महिला र २५ वर्षका पुरुष रहेका छन् । नारायणी सामुदायिक अस्पताल, भरतपुरको आईसीयूमा उपचारार्थ ६८ वर्षीय पुरुष र धादिङका ३२ वर्षीय पुरुष रहेको अस्पतालले जानकारी दिएको छ ।
चितवनमा रहेका कोराना संक्रमित भरतपुर महानगरपालिका वडा नम्बर ६ र २१ को क्वारेन्टिनमा रहेका २० र २७ वर्षीय महिला र २९ र ४५ वर्षका पुरुष गरी ४ जनामा संक्रमण देखिएको छ भने भरतपुर महानगरपालिकाकै वडा नम्बर ४ को क्वारेन्टिनमा रहेका २१ वर्षीय महिला कोरोना संक्रमण देखिएको छ ।
चितवनमा देखिएका १७ जना कोरोना संक्रमितमध्ये निजी अस्पतालमा काम गर्ने २४ र ३८ वर्षका पुरुष चिकित्सक रहेका छन् । यस्तै दक्षिण पश्चिममा पर्ने माडी नगरपालिकाको क्वारेन्टिनमा वडा नम्बर ६ मा बसेका मध्ये १४ वर्षीय किशोरी र २०, २४, २८, ४१ र ४६ वर्षका पुरुषमा कोरोना संक्रमण पुष्टि भएको छ । यस्तै बीपी कोइराला मेमोरियल क्यान्सर अस्पतालमा ७२ वर्षीय वृद्धामा कोरोना संक्रमण पुष्टि भएको छ । हाल ती वृद्धा डिस्चार्ज भइसकेको अस्पतालले जानकारी दिएको छ ।
भरतपुर महानगरपालिकाका थप ७ जनामा कोरोना संक्रमण
भरतपुर महानगरपालिकाका थप ७ जनामा कोरोना संक्रमण पुष्टि भएको छ । भरतपुर कोभिड–१९ परीक्षण प्रयोगशालामा सोमबार गरिएको परीक्षणमा ७ जनामा कोरोना भेटिएको भरतपुर अस्पतालले बताएको छ ।
पछिल्लोपटक संक्रमण पुष्टि हुनेमा भरतपुर वडा नम्बर २८ का १७ र ३५ वर्षीय किशोर र पुरुष, वडा नम्बर २० का २३ वर्षका एकजना पुरुष, वडा नम्बर २७ का १९ वर्षीया किशोरी, ३५ वर्षीय पुरुष, वडा नम्बर १९ का १९ वर्षीय किशोर र वडा नम्बर ११ को २३ वर्षीय पुरुष रहेको भरतपुर अस्पतालले जानकारी दिएको छ । उनीहरू सबै क्वारेन्टिनमा रहेको अस्पतालका मेडिकल सुपरिटेन्डेन्डेन्ट श्रीराम तिवारीले जानकारी दिए । योसँगै आज मात्रै चितवनमा ३० जनामा कोरोना पुष्टि भएको छ ।
नयाँ वर्ष ,कविता
छोरा मन्जितको जन्मोत्सवको अबसरमा श्रमदान अभियानमा आर्थिक सहयोग गर्ने
भारतीय नम्बर प्लेटका सवारीमाथि प्रतिबन्धविरुद्ध सर्लाहीमा सर्वदलीय चेतावनी
लालबन्दी नगर अस्पतालको सेवा नियमित सञ्चालन सम्बन्धी नागरिक अपिल
सभ्यताका पुजारी दनुवार जातिको भाषा संकटमा, रोग लाग्दा ‘बसाइ (डी) सर्ने परम्परा लोप हुँदै ।
