भरतपुर अस्पतालमा उपचारकाे क्रममा मृत्यु भएका युवककाे काेराेना रिपोर्ट नेगेटिभ

संवाददाता

२०७७ जेष्ठ २४, शनिबार १६:४८ प्रकाशित

चितवन । भरतपुर अस्पतालको आईसीयूमा शनिबार बिहान ज्यान गुमाएका माडीका एक युवकको कोरोनाको कारण मृत्यु नभएको पुष्टि भएको छ । माडी नगरपालिकाका ६ का २७ वर्षीय पुरुषको शनिबार बिहान मृत्यु भएको थियो ।

उनी भारतबाट करिब दुई साता अघि माडी आएका थिए । उनमा ज्वरो र खोकीको समस्या बढ्दै गएपछि शुक्रबार दिउँसो साढे २ भरतपुर अस्पतालको कोभिड आईसीयूमा भर्ना गरिएको थियो । उपचारकै क्रममा उनको शनिबार बिहान करिब साढे १० बजे मृत्यु भएको भरतपुर अस्पताल स्रोतले बताएको छ ।