रगत नजम्ने रोगलाई हेमोफिलिया भनिन्छ। यो समस्या भएको ब्यक्तिमा ससानो चोट लागेमा पनि रगत नजमेर रक्तश्राव भइरहने हुन्छ। कोरोनाकै कारण विदेशी दाताहरुले दिने औषधि सहयोग प्रभावित बनेको छ । हिमोफिलिया सोसाइटी नेपालमा हाल औषधि अभाव भएको छ । आकस्मिक अवस्था आइहालेमा के गर्ने भन्ने डर र त्रास रहेको छ । संयमित एवं सावधानी अपनाए कोरोनासँग बच्न केहि हदसम्म सकिन्छ ।

तर जति नै सुरक्षित अवस्था अपनाए पनि हिमोफिलियायुक्त व्यक्तिहरुलाई रक्तश्राव भई जुनसुकै बेला पनि आकस्मिक हुन सक्ने खतरासँग हिमोफिलियायुक्त व्यक्तिहरु भयमा बस्नुपरिरहेको छ । यदि औषधि पर्याप्त थियो भने आकस्मिक अवस्था आइहालेमा पनि त्यति डर हुने थिएन जुन डर अहिले भइरहेको छ । हुनतः हिमोफिलिया जस्तै अन्य समस्या भएका व्यक्तिहरु पनि आ आफ्नो समस्यासँग त्रसित भई बस्नु परिरहेको छ । वंशाणुगत वा उत्परिवर्तनका कारण सिर्जना हुने हिमोफिलियालाई रक्त विचलन सम्बन्धि अपाङ्गता पनि भनिन्छ। कस्तो अवस्थामा हिमोफिलिया भएको मान्ने ?

– भर्खर जन्मेको बच्चाको नाभि काट्दा लामो समयसम्म रक्तश्राव हुने गर्दछ ।
– शरीरका विभिन्न भागहरुमा निलडाम देखिनु ।
– हातगोडाका जोर्नीहरु सुनिनु, दुख्नु ।
– लाग्दा वा घाउ हुदा लामो समयसम्म रगत नरोकिनु वा रक्तश्राव भइरहनु नाकबाट रगत बग्नु शरीरको जोर्निहरु जस्तैस् घोडा, गोलिगाठो, कुहिनो, पाखुराको जोर्नि आदिमा आन्तरिक रक्तश्राव भइ सुनिने, चलाउन नसकिने तथा अत्याधिक पीडा हुने गर्दछ। आद्राको भित्री भागमा रक्तश्राव हुनाले दिसामा रगत देखिने वा कालो दिसा हुन सक्दछ, जसले रक्तअल्पता पनि हुनसक्दछ ।
होमोफिलिया हुनुको कारण ?

– जनचेतनाको कमि
– चिकित्सक र सम्बन्धित निकायमा पनि जनचेतनाको कमि हुनु ।
– डायगनोसिस सेन्टरको कमी ।
– उपचारका लागि चाहिने डाक्टर को कमी । यसरी सम्पूर्ण कुराहरु को जानकारी प्रदान गर्दै आफ्नो प्रस्तुतीकरण हेमोफिलिया ट्रेनर प्रेचन थपलिया सम्पन्न गरेकी थिन भने ।

उक्त वेबिनार मा रोट्रयाक क्लब अफ सेन्टल लुम्बिनीका निवर्तमान अध्यक्ष रो.उपेन्द्र यादव, संस्थापक अध्यक्ष रो.दिनेश पौडेल साथै रोटार्याक्ट डिस्टिक ३२९२ वर्ष २०२०/२१ का (ए.डि.स.)रो. लक्ष्मण खरेल ,रोटरी क्लब अफ सेन्ट्रल लुम्बिनीका अध्यक्ष रो.हिरा बहादुर शाह साथै पुर्व अध्यक्ष रो.कृष्ण पाण्डे र रो.बिमल सेन्चुरी लागायतले यस्तो विषम परिस्थितिमा पनि स्वास्थ्य सम्बन्धी वेबिनार सन्चालन गरेर उदाहरणीय काम गारेको मा क्लब अध्यक्ष रो.बाबुराम खनाल तथा हेमोफिलिया ट्रेनर प्रेचन थपलिया लाई बिशेष धन्यवाद दिदै कार्यक्रमको सञ्चालन क्लबका सचिव सुमित कसौधनले गरेका थिए भने अन्तिमा क्लबका अध्यक्ष रो.बाबुराम खनाल ले आगामी दिनहरुमा पनि यस्ता कार्यक्रमहरु गर्दै जाने वाचा तथा सम्पूर्णमा स्वास्थ्य लाभको कामना गर्दै दुई घण्टा तीस मिनेट लामो भर्चुअल वेबिनार अन्त्य गर्नु भएको थियो ।