मण्डीले दैनिक खाद्य बस्तुहरु पनि सर्वसुलभ मुल्यमा उपलब्ध गराउने भएको छ । तीनहजार वर्गमिटर क्षेत्रफलमा चामल, दाल, चिनि, तेल तथा गेडागुडीका स्टलहरु रहने अध्यक्ष थापाले जानकारी दिए । मण्डीमा बिहान ३ बजेदेखि राती ८ बजेसम्म थोक तथा खुद्रा कारोबार गर्नेगरी समयतालिका छुट्याईएको छ ।

सस्थाले स्थानीय कृषकको साथै आफ्नै लगानीमा समेत कृषि उत्पादन गर्न जिल्लाका विभिन्न स्थानमा जग्गा भाडामा लिएर उत्पादन शुरु गरिसकेको बताएको छ । हामीले स्थानीय कृषकको साथै आफैले पनि कृषि उत्पादन गर्न शुरु गरेका छौं उनले भने, जिल्लाभरका ७सय ७७ जना युवालाई खरीद र व्यवस्थापनको जिम्मा दिनेछौं । उनका अनुसार अपुग भएको उत्पादन बाहिरी जिल्लाबाट ल्याउने र बढी भएको उत्पादन अन्य जिल्ला पठाइने छ । संस्थाले दुग्ध तथा मासु उत्पादनलाई समेत अगाडि बढाएको छ । जसअनुसार कृष्टल कृषि फर्म दर्ता गरी शुरुवाती क्षणमा ६ विगाहमा तरकारी खेती, २ विगाहमा भैसी पालन र २ विगाहामा बंगुर पालन गर्न व्यवस्थापन गरिसकेको जानकारी दिएको छ ।

‘एकत हामीले कृषकलाई उचित मुल्य दिन्छौ उनले भने, अर्कोतिर उपभोक्ताले पनि सस्तो मुल्यमा किन्न पाउंँछन ।’ हाल ३ जना युवाको प्रत्यक्ष लगानीमा मण्डी स्थापना गरेपनि आगामी दिनमा विदेशबाट फर्केका युवालाई लक्षित गर्दै जिल्लाभर खाली जग्गा भाडामा लिएर उनीहरुलाई कृषि उत्पादनमा आकर्षण गर्ने उद्धेश्य रहेको अध्यक्ष थापाको भनाई छ ।

संस्थाले आगाी दिनमा डेरी फर्म, बाख्रापालन, अध्याधुनिक मासु पसल, लोकल कुखुरा पालनका साथै डिपार्टमेण्टल स्टोर्स समेत सञ्चालनमा ल्याउने योजना रहेको बताएको छ । यसका लागि प्रारम्भिक चरणका कामहरु शुरु भईसकेको सो अवसरमा जानकारी दिईयो ।