बिगत ५ वर्षदेखि नगरपालिकालाई निकासी कर हटाउन आग्रह गर्दै आएको तर सुनुवाइ नभएपछि बाध्य भएर आन्दोलनको बाटो रोजिएको ताजा तरकारी फलफुल थोक बजार व्यवसायी संघका अध्यक्ष दरेश चौधरी बताए । उनका अनुसार अन्य नगरपालिकाहरूमा यस्तो कर नलाग्ने भए पनि लालबन्दीमा मात्र जबर्जस्ती कर लादिएकाले किसान र व्यवसायी दुवै अन्यायमा परेको अवस्था छ ।

लालबन्दीबाट हरियो खुर्सानी, भन्टा, करेला, सिमी, घिरौला, काँक्रो, बन्दकोभी, बोडी,लौका,परबल,टमाटर,चिप्लेभीन्डी,राजमा लगायतका तरकारीको निकासी हुँदै आएको छ । लालबन्दी बजारबाट थोक तरकारी सर्लाहीकै विभिन्न हाट बजारसम्म पुग्नुका साथै काठमाडौँ, वीरगंज, पोखरा, नारायणगढ, जनकपुर, सिन्धुली, बुटवललगायत अन्य सहर तथा बजारसम्म पुग्ने गरेको छ । लालबन्दी रहेको कृषि थोक बजार सर्लाहीकै ठूलो तरकारी बजार हो ।
व्यवसायीहरुको आन्दोलनलाई आफूहरुले पनि समर्थन गरेको कृषि थोक बजार व्यवस्थापन समितिका अध्यक्ष प्रमोद थपलियाले बताउनुभयो । निकासी करका कारण बाहिरी बजारहरुमा जाने तरकारी महंगोमा बेच्नु परेको महंगो दाम परेपछि यहाँबाट गएका तरकारी नबिक्दा व्यवसायीलाई मार परेको बताउनुभयो । व्यवसायीहरु पलायन हुने अवस्थामा पुगेकोले माग सम्बोधन गर्न आफूहरुले ज्ञापनपत्र मार्फत नगरपालिकाको ध्यानाकर्षण गराउदा समेत अटेर गरेपछी आन्दोलनमा गर्नू परेको थोक बजार व्यवसायीहरु बताउ छन ।

लालबन्दीलाई मधेस प्रदेशमा गोलभेंडा उत्पादन गर्ने सहरकोरुपमा पनि चिनिन्छ । ताजा तरकारी फलफुल थोक बजार व्यवसायी संघले नगरपालिकालाई निकासी कर नहटाय सम्म आन्दोलनको घोषणा गरेको छ । व्यवसायीहरु पलायन हुने अवस्थामा पुगेकोले माग सम्बोधन गर्न आफूहरुल आन्दोलनको घोषणा ब्यबसाइहरु बताउ छन ।