२०५९ साल श्रावण १४ गते सहकारी डिभिजन कार्यालयमा दर्ता भई आर्थिक कारोबार शुरु गरेको यस सहकारीमा हाल २,२८० जना महिला शेयर सदस्य रहेका छन्। संस्थाले १ करोड ३७ लाख ९३ हजार ८ सय रुपैयाँ बराबरको शेयर पुँजी संकलन गर्न सफल भएको छ। आफ्नै भवनमार्फत कम्प्युटर सफ्टवेयरद्वारा सेवा प्रवाह गर्दै आएको यस सहकारी प्रदेशकै उत्कृष्ट सहकारीका रुपमा परिचित छ।

सभामा सहभागी सदस्यहरूले महिला सहकारीलाई करको दायराबाट बाहिर राख्नुपर्ने तथा महिला नेतृत्वमा सञ्चालित सहकारीलाई विशेष सुविधा प्रदान गर्नुपर्नेमा जोड दिएका थिए ,सभा मा संस्थाकी संस्थापक अध्यक्ष गंगा माया खडका ,सदस्य सुमित्रा देबि राम ,बिमला मोक्तान लगायत ले आ आफ्नो धारणा राखेका कार्यक्रम सञ्चालन संस्थाकी कोषाध्यक्ष बिणा थिङ्गले जानकारी थिइन्।

संस्थाले सदस्यहरूको हितका लागि विभिन्न बचत योजना, सरल तथा सुलभ ऋण प्रवाह, तीज विशेष कार्यक्रम, वित्तीय साक्षरता, तीर्थाटन भ्रमण, रेमिटेन्स सेवा तथा विद्युतिय माध्यममार्फत रकम भुक्तानी सेवा जस्ता कार्यक्रमहरू सञ्चालन गर्दै आएको जानकारी पनि दिइएको थियो।।
नन्देश्वर महिला बचत तथा ऋण सहकारीले महिलालाई आत्मनिर्भर बनाउन र सहकारी आन्दोलनलाई सशक्त बनाउन उल्लेखनीय योगदान दिंदै आएको छ।