माओवादीको मताधार भएको सर्लाही ३ आइपुगेका श्रेष्ठलाई अहिले पूर्वकार्यकर्ता नरेन्द्र नै उनलाई टाउको दुखाइ बनेको देखिन्छ । अहिले रास्वपाका नरेन्द्र साह २०७० सालमा स्वतन्त्र बाट संविधानसभामा मनोनीत भयका थिय र २०७४र २०७९ सालमा भने पराजित भयका थिय । रास्वपाले मधेसी समुदायका बालेन शाहलाई प्रधानमन्त्रीको उम्मेदवार बनाएपछि मधेस तरंगित छ । युवा पंक्ति रास्वपाप्रति आकर्षित देखिँदा पुराना र मधेसवादी दलका उम्मेदवार दबाबमा देखिन्छन् । रास्वपा उम्मेदवार नरेन्द्र साह जनताको समस्या, सपना र भविष्यको नारा दिएर चुनावी मैदानमा होमीयका छन । कांग्रेस र एमालेबाट पनि पहाडी समुदायकै व्यक्ति उम्मेदवार बन्नु र यसअघिको माओवादीका उम्मेदवार रास्वपाबाट श्रेष्ठको प्रतिद्वन्द्वी बनेपछि सर्लाही ३ को चुनाव प्रतिस्पर्धा सङ्ग झन रोचक पनि बनेको छ ।

अहिले मतदाता संख्या कति
क्षेत्र नम्बर ३ मा १ लाख ३४ हजार ४१२ मतदाताका लागि ७६ मतदानस्थलमा १५९ केन्द्र स्थापना गरिनेछ । क्षेत्र नम्बर ३ को निर्वाचन क्षेत्रमा हरिवन, बागमती, चक्रघट्टा, हरिपुर, बरहथवा, कविलासी नगरपालिका साथै बसबरिया गाउँपालिका रहेका छन् । हरिवन, बागमती, चक्रघट्टाका सबै वडाहरू यो निर्वाचन क्षेत्रमा पर्दा हरिपुरको १ नम्बर वडा मात्र पर्छ । बरथहवाको ५,६,७,८,९,१०,११,१२ र १६,१७,१८ गरी ११ वटा वडा यही क्षेत्रमा पर्छन् । कविलासी नगरपालिकाका ३,४,५,६, बसबरियाका ४,५,६ नम्बर पनि सर्लाही ३ मा पर्छन् । सर्लाही ३ मा ५१ वडा रहेका छन ।

पछिल्लो निर्वाचन इतिहास
सर्लाही ३ मा २०७९ को निर्वाचनमा एमालेका हरिप्रसाद उप्रेती ३२ हजार ९३८ मत ल्याई विजयी भएका थिए भने तत्कालीन माओवादी केन्द्रका नरेन्द्र साह ३२ हजार १६८ मत ल्याएर दोस्रो भएका थिए । गत निर्वाचनमा कांग्रेस, माओवादी, लोसपाको गठबन्धनलाई पराजित गरेका तत्कालीन एमाले–जसपा गठबन्धनका उम्मेदवार उप्रेती अहिले पनि जित्ने दाबी गर्छन् । सबै दलहरू एक्लाएक्लै प्रतिस्पर्धामा रहेको भन्दै हरि उप्रेतीले आफ्नो जित निश्चित भएको दाबी गरे ।
यता कांग्रेस उम्मेदवार विनोद खनाल पनि चुनाव जित्नेमा आफू ढुक्क रहेको बताउँछन् । सर्लाही ४ मा नेपाली कांग्रेस सभापति गगन थापा उम्मेदवार बनेकाले ३ नम्बरमा त्यसको प्रभाव देखिने उनको बुझाइ छ । सभापति थापा मधेस झरेपछि कांग्रेसको पक्षमा जबर्जस्त माहोल बनेको भन्दै सर्लाहीका चारै जना उम्मेदवार विजयी हुने खनालले दाबी गरे ।
व्यक्तिगत रुपमा कुनै उम्मेदवारबारे टिप्पणी गर्न नचाहने नारायणकाजी श्रेष्ठ आफ्नो उम्मेदवारी सर्लाहीका जनताले खुसीका साथ स्वीकार गरेको बताउँछन् । दलीय प्रतिस्पर्धामा सबै उम्मेदवारलाई सम्मान गर्छु । कसैलाई न्यून मूल्यांकन गर्न चाहन्नँ आफ्नो प्रतिस्पर्धीबारे श्रेष्ठको भनाइ छ तर मैले मेरो निकटतम् प्रतिस्पर्धी कसैलाई देखको छैन ।

किन झरे नारायणकाजी श्रेष्ठ सर्लाही
गयको स्थानीय निर्वाचन र समानुपातिक मतको हिसाबकिताब गरेर नारायणकाजी श्रेष्ठ सर्लाही–३ झरेका बुझ्न गाह्रो छैन । २०७९ मा समानुपातिकतर्फ माओवादीले १५ हजार ४ सय ७१, एमालेले १५ हजार ६, जसपाले १२ हजार ७९, कांग्रेसले ९ हजार ९ सय ७९, रास्वपाले ६ हजार ९ सय ६२, जनमतको ६ हजार १ सय ३१, तत्कालीन एकीकृत समाजवादीले २ हजार ६ सय ५५ मत ल्याएका थिए । नेकपासँग विगतको समानुपातिक मत १८ हजार १२६ देखिए पनि श्रेष्ठ,उप्रेती र खनाललाई रास्वपा उम्मेदवार साहको व्यक्तिगत र बालेनको प्रभाव रोक्न भने त्यति सजिलो भने छैन । श्रेष्ठले सर्लाही ३ मा आफ्नो पक्षमा अझै माहोल बढाउन सक्छन् या सक्दैनन्, निर्वाचनको नतिजा त्यसैले तय गर्ने देखिन्छ ।
सर्लाही ३ मा उम्मेदवारहरुले शिक्षा,कृषि,रोजगार,स्वास्थ सुधारदेखि युवाको बेरोजगारीको समस्यालाई मुख्य एजेण्डा बनाएका छन् ।