राहत वितरण कार्यक्रममा वडा जनप्रतिनिधि सन्तलाल स्याङ्तान, अजय महतो, मिरा मिक्चन, रामाधिन महतो, नेपाल प्रहरीका प्रतिनिधि लगायतको उपस्थिति रहेको थियो। राहत सामाग्री पाएपछि चाडपर्वको बेला परिवार धान्ने चिन्तामा रहेका बाढीपीडितका मुहारमा खुशी छाएको थियो।

“हामीजस्ता दुखी, गरिब र पीडामा परेकाहरूका लागि समाज भगवानझैं बनेर आएको छ,” हरिवन नगरपालिका–४, गैरिटोलका बाढीपीडित बिर्बहादुर दोङले भावुक हुँदै समाजप्रति आभार प्रकट गर्नुभयो।

यसपटकको राहत सहयोग ‘हाम्रो शहर परियोजना’ अन्तर्गत काठमाण्डौं विश्वविद्यालयको प्राविधिक सहयोग र हेल्भेटास नेपालको आर्थिक सहयोगमा वितरण गरिएको हो।

हरिवनमा करिब दश महिनादेखि सञ्चालनमा रहेको सो परियोजनाले स्थानीय टोल विकास संस्थामार्फत सुशासन, भौतिक पूर्वाधार विकास, सीप तथा नेतृत्व सुदृढीकरण, क्षमता अभिवृद्धि र सूचना अधिकार सम्बन्धी सशक्तीकरणका कार्यहरू गर्दै आएको छ।